Эдэр ыччат өрөспүүбүлүкэтээҕи «Муус Устар» бэстибээлэ быйыл 12 хайысханан 22 трегинэн ыытыллыаҕа: «Воплощай и вдохновляй», «Якутия – твоя сила духа», «Перспектива в познании», «Вперед к победам!», «Медиа-будущее: расскажи о важном!», «Развивайся в Якутии!», «Добываем будущее вместе!», «Созидай и создавай!», «Твори добро!», «ЭТнО-МЫ!», «Россия – страна возможностей!», «Защитник Родины!».
Сунтаар улууһуттан бэстибээлгэ кимнээх кытта бараллара олунньу 1 күнүттэн сүүмэрдэнэн чопчуланна. Ол курдук, «Воплощай и вдохновляй» хайысхаҕа «Күн» үҥкүү күрэһигэр «Түһүлгэ» норуот фольклорнай кэлэктиибэ, «Сулустар» ырыа күрэһигэр Сунтаардааҕы гимназия учуутала Тимур Тихонов, Улуу Кыайыы 80 уонна Ийэ дойдуну көмүскээччи сылыгар анаммыт дойдуга бэриниилээх буолууга көҕүлүүр «Лента времени» күрэскэ Арыылаах орто оскуолатын учуутала Станислав Ноговицын кыттыахтара. «Архитон» күрэс хамаандатыгар Сунтаардааҕы политехническай лиссиэй-интэринээт үөрэнээччитэ Нина Захарова, ХИФУ Инженернай-техническэй институтун архитектура уонна куорат тутуутун кафедратын устудьуоннара Диана Николаева, Игорь Петров киирдилэр. «Креасфера+» диэн цифровой худуоһунньуктар күрэстэригэр искусство оскуолатын үөрэнээччитэ Валерия Федорова, эбии үөрэхтээһин педагога Варвара Иванова кыттыахтара, «Секреты шефа» ас астааһын күрэһигэр Сунтаардааҕы технологическай колледж устудьуона Евгения Слюсарь, эдэр наставниктар «Вдохновляй на успех» күрэскэ «Ньургуһун» уһуйаан сэбиэдиссэй̆ин солбуйааччы Мария Владимирова, «Туристический код моего района» треккэ Айылтаана Егорова, Татьяна Васильева сүүмэрдээһини аастылар. «Добровольчество» бириэмийэҕэ КСВО «Харысхал» киирсиэҕэ.
Онтон да атын тректэргэ улуус иһинэн сүүмэрдиир күрэстэр ыытылла тураллар. Талыллыбыт ыччаттарбытыгар ситиһиини баҕарабыт.
Мира АФАНАСЬЕВА