Киин балыыһа эдэр үлэһиттэрин сүрэхтээтилэр

Бүгүн, сэтинньи 21 күнүгэр, Сунтаардааҕы киин балыыһа үлэһиттэрин кэккэлэригэр, итиэннэ доруобуйа харыстабылыгар саҥардыы үлэлээн эрэр эдэр исписэлиистэри сүрэхтээтилэр.

Бу үөрүүлээх түгэҥҥэ Сунтаардааҕы киин балыыһа кылаабынай бырааһа Константин Павлов, кылаабынай быраас солбуйааччыта Мария Игнатьева, профком бэрэссэдээтэлэ Степан Тихонов эҕэрдэ тылларын анаатылар. Олохторугар сүрүн эппиэтинэһи ылынан, дьону эмтиир, үтүөрдэр, чэпчэкитэ суох идэни баһылаан эрэр үлэһиттэргэ бэйэлэрин сүбэлэрин эттилэр. Хайа баҕарар идэҕэ, саҥа саҕалааһыҥҥа уустуктар син биир бааллар. Маныаха эдэр үлэһиттэргэ элбэх билиилээх-көрүүлээх, баай уопуттаах наставниктар, отделение сэбиэдиссэйдэрэ көмө-тирэх буолаллара эдэр үлэһиккэ төһүү күүс буолар. Бу курдук, улууспутугар уонна нэһилиэктэргэ быйыл уопсайа 29 үрүҥ халааттаах аанньаллар үлэлии кэллилэр.

Елизавета ТИТОВА

Читайте дальше