Бу күннэргэ Уһук Илин федеральнай уокурукка Бүтүн Арассыыйатааҕы хуор бэстибээлэ уокуруктааҕы түһүмэҕэ түмүктэннэ. Манна Уһук Илин 7 субъегыттан 13 кэлэктииип кытынна. Бу улахан ырыа түһүлгэтигэр биһиги улуустан СӨ култууратын туйгуна Виктория Мойтохонова салайааччылаах «Көҕүөр» кэрэ аҥаардар хуордара кэтэхтэн кыттыбыта уонна кыайыылаах үрдүк аатын ылла. Онон бу ахсынньы ыйга Москва куоракка хуор кэлэктииптэрин Бүтүн Арассыыйатааҕы бэстибээлигэр Уһун Илин уокурук аатыттан кыттар улахан уонна эппиэттээх чиэскэ тигистэ.
Уокуруктааҕы түһүмэххэ «көҕүөрдэр» кэтэхтэн (онлайн) кытыннылар. Кинилэр саха норуота сайыны көрсөр сиэрин-туомун туһунан музыкальнай нүөмэрдэрин ыыппыттара.
Санатар этэр буоллахха, бу бэстибээл «Култуура» национальнай бырайыак иитинэн РФ Култуура министиэристибэтин көҕүлээһининэн ыытыллар. Быйылгы бэстибээл Арассыыйаҕа Дьиэ кэргэн сылын чэрчитинэн барар.
Яина ВЛАСЬЕВА