Иван Ярыгин Кубогын иһин көҥүл тустууга норуоттар икки ардыларынааҕы күрэхтэһии Красноярскай куоракка тохсунньу 24-28 күннэригэр ыытыллар. Быйылгы турнирга 23 дойду кыттарын биллэрбит диэн киин хаһыаттар суруйаллар.
Биһиги өрөспүүбүлүкэбит хамаандата чопчуламмыт. Манна биһиги улууспутуттан 57 киилэ ыйааһыҥҥа Лев Павлов, 61 кг Юлиан Григорьев, 65 киилэҕэ Дьулусхан Тотонов уонна ыарахан ыйааһыҥҥа 92 киилэҕэ Ньургун Сергин тустуохтара. Тириэньэр Николай Данилов уолаттары кытары өрөспүүбүлүкэ хамаандатыгар киирэн, тустууктар дьарыктарын, туруктарын көрө-истэ, сүбэ-ама буола сылдьыаҕа.
Тустуук уолаттарбытыгар сахалыы сэмэйдик ситиһиини баҕарыаҕыҥ. Уолаттар, Красноярскай успуордун дыбарыаһын көбүөрэ эһиэхэ ситиһиини аҕаллын дуу.
Яина ВЛАСЬЕВА