Дьокуускай куоракка Ил Дархан саҥа дьыллааҕы харыйата ахсынньы 23-24 күннэригэр СӨ Циркэтигэр буолан ааста. Манна биһиги Сунтаарбыт улууһуттан 33 үөрэнээччи кыттыыны ылла. Саамай долгутуулаах, күүтүүлээх бырааһынньыкка өрөспүүбүлүкэбит араас муннугуттан сыл устата бастыҥ үөрэхтээх, актыбыыс, спорка үрдүк ситиһиилэрдээх оҕолор, ону тэҥэ, норуоттар икки ардыларынааҕы, Бүтүн Арассыыйатааҕы олимпиадалар, научнай-практическай конференция кыайыылаахтара, призердара, ураты талааннаах оҕолор кытыннылар. Тэрээһин чэрчитинэн ахсынньы 23 күнүгэр «Оҕо айымньытын дыбарыаһыгар» сыллата үгэс быһыытынан ыытыллар «XVI Гражданскай Форумҥа» саҥа дьыллааҕы харыйаҕа барбыт дэлэгээссийэттэн 11 оҕобут кытынна.
«Сунтаар сонуннара» улуус хаһыата