Бүгүн, олунньу 16 күнүгэр, Элгээйи уонна Илимниир нэһилиэктэр олохтоохторо баһылыктарын талаллар.
Ол курдук, Илимнииргэ «Биир ньыгыл Арассыыйа» политическай партияттан турбут Сунтаар олохтооҕо 1998 сыллаах төрүөх Николай Иванов уонна бэйэтин кандидатуратын туруорбут Сунтаар улууһун ыччат бэлиитикэтигэр отделын сүрүн исписэлииһэ Айталина Герасимова баһылык солотугар киирсэллэр. Бу сарсыардааҥы туругунан 10-тан тахса киһи быыбардаата.
Оттон Элгээйигэ «Биир ньыгыл Арассыыйаттан» Аркадий Самойлов уонна бэйэтин баҕатынан Дьулустаан Иванов. Билиҥҥи туругунан, Элгээйигэ 110 киһи быыбардаата диэн улуустааҕы ТИК иһитиннэрэр.
Яина ВЛАСЬЕВА