Сунтаар нэһилиэгин олохтоох дьаһалтата тэрийиитинэн, сэтинньи 2-3 күннэригэр субуотунньук буолла. Манна Сунтаардааҕы баһаарынай сулууспа, ОДьКХ, 1 №-дээх оскуола, улуустааҕы ыччат отделын эр дьоно нэһилиэк дьаһалтатын, “Сунтар” МАУ тэрилтэтин үлэһиттэрин кытары “Хаарбах дьиэттэн дьону көһөрүү” бырагырааманан билигин кураанах турар, көтүрүллүбүт дьиэлэр мастарын эрбэтэн сааһылаатылар. Бу икки күн нэһилиэк күүстээх аҥаара 8 улахан массыынаҕа тиэллэр оттук мас бэлэмнээтилэр.
Бу бэлэмнэммит маһы анал байыаннай дьайыыга сылдьар байыастар дьиэ кэргэттэригэр түҥэтиллиэҕэ, баанныьктарыгар, гараастарыгар оттоллоругар көмө буолуоҕа диэн олохтоох дьаһалта исписэлииһэ этэр.
Бу сотору кэминэн муус ылыытыгар, үөл мас бэлэмнээһинигэр эмиэ субуотунньук тэриллиэҕэ.
Анал байыаннай дьайыыга сылдьааччыларбыт дьиэ кэргэттэригэр болҕомтобутун, көмөбүтүн мэлдьи оҥоро сылдьар биһиги сүрүн сорукпут.
Яина ВЛАСЬЕВА