Атырдьах ыйын 29-30 күннэригэр Сунтаар нэһилиэгин олохтоох дьаһалтатын көҕүлээһининэн сылын аайы ыытыллар ГО (гражданскай оборона) буолла. Ол курдук икки күн устата нэһилиэк иһинээҕи суоллары чөлүгэр түһэрии үлэтэ ыытылынна. Бу сырыыга үлэ сүрүннээн Томуһукаан түөлбэ өттүгэр уонна эрдэ киирбит сайаапкаларынан нэһилиэк уонна улуус дьокутаттара, ТОС салайааччылара (Р.Ероскумов, С.Николаев, И. Тарасов, Ж.Макарова,С. Тен, Д.Павлов, Д.Егоров уонна П.Попов) хонтуруоллаһан үлэ тэрилиннэ.
Икки күн устата уопсайа 20 массыына кумах таһылынна, 387 сырыы оҥоһулунна, икки бульдозер, сэттэ погрузчик үлэлээтэ, нэһилиэк иһигэр үс грейдер суолу тэҥнээтэ.
Бу тэрээһиҥҥэ Сунтаар нэһилиэгин сылын аайы кыттар тутаах тэрилтэлэрэ («Сунтаравтодор», «Сунтарцеолит», ОДьКХ ГУТ Сунтаардааҕы филиала, РЭС, ЖКС, «Сунтар»МАУ, Аэропорт) уонна тиэхиньикэлээх урбаанньыттар («Тэтим», Кардашевский С.П., Кузнецов, Данилов М.Г., Тарасов И.И., Окс А.Ю. уо. д.а.).
Үлэ түмүгүнэн нэһилиэк баһылыга Эдуард Филиппов махтанан туран субуотунньүкка ГО-ҕа кыттыбыт уолаттарга (Окс Александр Юрьевичка, Федоров Трофим Петровичка, Иванов Семен Михайловичка, Тарасов Иван Ивановичка, Сергеев Иван Ивановичка, Сусов Александр Ивановичка, Кюндяйцев Михаил Валентиновичка, Семенов Николай Владимировичка, Петров Ньүргун Андреевичка, Аммосов Вилен Владимировичка, Егоров Сергей Сергеевичка, Николаев Борис Михайловичка, Яковлев Руслан Спартаковичка, Назаров Денис Валерьевичка, Ероскумов Гаврил Гаврильевичка, Егоров Василий Руслановичка, Данилов Гаврил Егоровичка, Данилов Максим Гаврильевичка, Ким Андрей Геннадьевичка, Попов Артем Петровичка, Кардашевский Степан Владимировичка, Васильев Александр Николаевичка, Окс Юрий Людвиговичка, Догойдонов Александр Валентиновичка, Иванов Меркурий Михайловичка, Попов Григорий Федотовичка, Васильев Михаил Владимировичка, Егоров Гаврил Фомичка, Иванов Александр Алексеевичка, Лукин Альберт Александровичка, Попов Геннадий Валентиновичка уонна Сидоров Валентин Александровичка) махтал суруктары уонна туһалаах бириистэри туттарда.
