Леонид Попов аатынан Арыылаах агрохайысхалаах оскуолата сылын ахсын улууска ыытыллар «Идэһэ» атыы-эргиэн дьаарбаҥкатыгар кыттан, оскуола кэтэх хаһаайыстыбатын бородууксуйатын атыылыыр.
Быйыл 100 киилэ убаһа этин итиэннэ 40-ча киилэ эриллибит эти хамаҕатык батардыбыт. Ити эрэ буолбакка, өссө кэтилиэт, тиэптэл, хаан, быар, убаһа иһин уонна астаммыт бурдук аһын дэлэччи атыылаатыбыт.
Атыылаһааччыларбыт махталларын таһынан, улуус тыатын хаһаайыстыбатын салалтатыттан махтал сурук уонна харчынан бириэмийэ тутан үөрүүбүт өссө үрдээтэ.
Мантан кыһын Мииринэй куоракка ыытыллар «Алмаастаах түөлбэ» дьаарбаҥкаҕа тахсарга бэлэмнэниэхпит.
Надежда Петрова, дириэктэри иитэр үлэҕэ солбуйааччы