Тарбаҕар талааннаах Светлана Игнатьева нэһилиэк олохтоохторугар араас маастар кылаастары ыытар. Бу күннэргэ “Мокрое валяние” техникатынан телефон чехолун, түөс киэргэлин оҥорорго үөрэттэ. Кини сатабылыгар элбэх кэрэ аҥаар үөрэннэ.
Кыайыы күнүгэр нэһилиэк баһылыга Валерий Ефимов сэрии оҕолоругар, тыыл бэтэрээннэригэр Захарова А.П., Попова Р.Е. дьиэлэригэр сылдьан эҕэрдэлээтэ. Сиэйэҕэ олорор биир дойдулаахпыт Алексеева Л.И. торт оҥорон ыытан кырдьаҕас дьону үөртэ.
Нэһилиэк биллэр оҕуруотчуттара Ивановтар кулун тутар ыйтан тэпилииссэлэрин оттон бастакы оҕурсууларын амсайаары олороллор. Урукку сылларга Кыайыы күнүгэр бастакы үүнээйилэрин ылаллара.
Вера ИВАНОВА