«Партизан» НАТК балаҕаныгар от ыйын 29 күнүттэн кэрэ аҥаардар мустан, анал байыаннай дьайыыга сылдьар уолаттарбытыгар өйөбүл, күүс-көмө буолар санааттан сиэккэ өрөн саҕалаабыттара. Билигин «Харысхал” КСВО (комитет семей воинов отечества) диэн ааттанан тиһигин быспакка үлэлии-хамныы сылдьаллар. Ол курдук, бу үс ый устата 52 сиэккэ өрүллэн тиксэрилиннэ. Сиэккэни туппут уолаттар махталлара муҥура суох. Сунтаар иһигэр 7, ону таһынан 6 нэһилиэккэ филиалланан үлэ хаамыыта өссө түргэтээтэ. Баһыылкаҕа сиэккэ эрэ буолбакка, эбии таҥас-сап, суунар тэрил, харысхал, бэйэни ыраастанар набор тэрийэн ыыталлар.
Ким баҕалаах, иллэҥ бириэмэтин көрөн, сиэккэ өрүүтүгэр кыттыһыаххытын сөп, ол эбэтэр үбүнэн, аһынан, таҥаһынан (футболка, ис таҥас, наскы уо.д.а.), суунар тэрилинэн (тиис суунар пааста, суокка, соттор уо.д.а.), минньигэһинэн (кэмпиэт, барыанньа, мүөт уо.д.а.), ыраастанар тэриллэринэн (кытыан, сиэл, этиҥ түспүт маһа, туос уо.д.а), рюкзак уо.д.а наадалаах маллары аҕалыаххытын сөп. Ону тэҥэ үлэлээбэт төлөпүөннэри, планшеттары, араас туһаҕа барыан сөп электроннай тиэхиньикэни Мииринэй куоракка “Мы вместе” волонтерскай штабка ыыталлар. Билигин сезоннай таҥас наада буолла. Бу барыта учуоттанар, сурукка тиһиллэн иһэр. Мантан инньэ окопнай чүмэчи оҥоруутун былаанныыллар.
Бу хамсааһын координатора, оройуон дьокутаата Макарова Жанна Петровна, ыйытыктардаах буоллаххытына сиһилии 89142708487 эрийэн билсиэххитин сөп.
Светлана ЕГОРОВА, хаһыат уопсастыбаннай кэрэспэдьиэнэ.
Хаартыскаҕа Л.А.Попов аатынан Арыылаах орто оскуолатын кэлэктиибэ