Балаҕан ыйынааҕы быыбардарга хандьыдааттар докумуоннарын быыбардыыр хамыыһыйаларга туттараллар.
Бу күннэргэ СӨ судаарыстыбаннай мунньаҕар (Ил Түмэҥҥэ) биир мандааттаах Сунтаардааҕы 14 нүөмэрдээх уокурукка дьокутаакка хандьыдаатынан түөрт киһи докумуонун Сунтаардааҕы быыбардыыр хамыыһыйаҕа туттарда. Ол курдук, “Биир ньыгыл Арассыыыйа” политическай партияттан Николаев Андрей Юрьевич, “Сиэрдээх Арассыыйаттан” – Егоров Владимир Семенович, “Новые люди” партияттан – Сахатаев Иван Юрьевич уонна “, Арассыыйа коммунистическай партиятыттан Иванов Игорь Иванович.
“Онон болдьоммут кэм иһигэр докумуоннары бэрэбиэркэлээн кандидааттары регистрацияны барыахтара” диэн быыбардыыр хамыыһыйа бэрэстэбиитэлэ Надежда Румянцова этэр. Ил Түмэҥҥэ дьокутаакка хандьыдаатынан туруорунуу от ыйын 9 күнүнэн түмүктэммитэ.
Оттон оройуон сэбиэтигэр дьокутаакка хандьыдаатынан бүгүҥҥү күҥҥэ үс киһи докумуонун туттарда. Ол курдук, Николаев Семен Александрович, Бекренева Мария Александровна, Иванов Трофим Алексеевич “улуус дьокутаатыгар кандидатурабытын туруорунабыт” диэн докумуоннарын туттардылар. Оройуон сэбиэтин дьокутааттарыгар докумуону туттарыы от ыйын 31 күнүгэр диэри салҕанан барар.
Ааптар: Яина Власьева