Бүгүн, кулун тутар 29 күнүгэр, улуус дьаһалтатын мунньахтыыр саалатыгар Саха Өрөспүбүлүкэтин ГИБДД управлениетын салайааччыта полиция полковнига Александр Архиповы кытта көрсүһүү буолла.
Манна улуус, Сунтаар нэһилиэгин дьаһалталарын үлэһиттэрэ, полиция, суолга сыһыаннаах тэрилтэлэр уонна ИП бэрэстэбиитэллэрэ мустан, Александр Архиповы кытта улуус олохтоохторугар суолга сэрэхтээх буолуу информациятын тириэрдии боппуруостарыгар уонна атын да суолга сыһыаннаах тиэмэлэргэ кэпсэттилэр.
Бу көрсүһүү кэннэ Александр Александрович Сунтаардааҕы технологическай колледж дириэктэрэ Гаврил Михайловы кытта көрсөн, суоппар быраабыгар үөрэнээччилэр эрчиллэр массыыналарын уонна үөрэнэр кылаастарын бэрэбиэккэлээтэ. Ону кытта норуот дружинатын чилиэннэригэр дастабырыанньа туттарда.
Дмитрий ЫМЫЧАНОВ