Хаҥалас улууһун Хатас нэһилиэгэр доруобуйаларынан хааччахтаах дьоҥҥо «Танец объединяет нас» өрөспүүбүлүкэтээҕи үҥкүү күрэҕэ ыытылынна. Манна биһиги улууспуттан икки паара кыттан кэллэ.
Ол курдук, «Синьоры» бөлөххө Элгээйиттэн Тамара Семенова, Иннокентий Федоров, «Гран синьоры» бөлөххө Александр Пахомов, Ульяна Антонова ситиһиилээхтик кыттан,анал бириис хаһаайыннара буоллулар. Бөлөҕү Маар Күөллээҕи доруобуйаларынан хааччахтаах дьон түмсүүтүн салайааччыта Екатерина Иванова илдьэ сырытта.
Бу маннык күрэх өрөспүүбүлүкэҕэ үһүс төгүлүн ыытылынна. Эһиилги бальнай үҥкүү бэстибээлэ Уус Алдаҥҥа ыытыллар буолла.
Бу күрэххэ баран кыттарбытыгар күүс-көмө, тирэх буолбут дьоммутугар, чуолаан улууспут дьаһалтатын салалтатыгар ,улуустааҕы доруобуйаларынан хааччахтаах дьон сэбиэтин бэрэссэдээтэлигэр Наталья Максимоваҕа барҕа махтал. Үлэҕитигэр ситиһиилэри! Тус олоххутугар дьолу доруобуйаны!
Екатерина ИВАНОВА