Сыллата үгүс тэрилтэ сыл түмүгүнэн бастыҥ тэрилтэни, үлэһиттэри бэлиэтиир үгэстээх. Ыксаллаах быһыы-майгы министиэрстибэтин Сунтаар оройуонугар кэтээн кɵрɵр уонна сэрэтэр үлэтин отделенията республикаҕа ааспыт сыл түмүгүнэн бастыҥ ааты сүктэ.
Вячеслав Давыдов — Сунтаар оройуонугар баһаары кэтээн кɵрɵр уонна сэрэтэр үлэтин салаатыгар үлэлээбитэ уонтан тахса сыл буолла. Үлэтигэр олус бэриниилээх, ирдэбиллээх, эппиэтинэстээх үлэһит билигин салайааччы эбээһинэһин толорооччу быһыытынан үлэлиир.
Нэһилиэнньэ нус-хас олоҕор баһаар суоһаабатын туһугар үлэлиир тэрилтэ икки үлэһиттээх Вячеслав бэйэтэ уонна дознаватель Цветана Мамонтова. Кинилэр күнүн аайы улууспут тэрилтэлэрэ баһаартан сэрэхтээх буолалларыгар 910 тэрилтэҕэ профилактика үлэтин тиһигин быспакка ыыталлар. Тэрилтэни кытта үлэлэһэр тустаах специалистар сэрэтэр үлэ хайаан да баар буолуохтаах диэн санааларын үллэстэллэр.
Хас биирдии тэрилтэҕэ ыксаллаах быһыы-майгы тахсыбатын курдук эрдэттэн сэрэтии үлэтэ хайаан да ирдэнэр, ол эрээри тутатына ботуччу ыстарааптаан барбакка киһилии ɵйдɵтɵн, сүбэлээн үтүɵ түмүгү кɵрɵр хайҕаллаах суол.
Ситиһиигитинэн истиҥ эҕэрдэ!
Тускулаана ГОРОХОВА-КОБЕЛЬЯНОВА