Быйыл өрөспүүбүлүкэбитигэр Оҕо саас сыла биллэриллибитинэн С.А. Новгородов аатынан «Айар» национальнай кинигэ кыһата кыра оҕолорго кэтэхтэн хоһоон ааҕыытын күрэҕин тэрийэн ыытта.
Кэмпэндээйиттэн бу күрэххэ элбэх оҕо кытынна. Уһуйаан иитээччилэрэ Марина Дмитриева, учууталлар Александра Евсеева, Ираида Чолбодукова, Лира Герасимова оҕолору бэлэмнээн видеоҕа устан ыыппыппыт. Күрэххэ уопсайа 307 үлэ кыттыыны ылбыт. Маны 2 бөлөххө арааран түмүк таһаарбыттара бүгүн билиннэ. Кэмпэндээйиттэн 2 кылаас үөрэнээччитэ Эрчимэн Герасимов (сал. Герасимова Л. А. ) 2 миэстэ буолан Добун сурук, С.П. Готовцев «Ирбэт тоҥ кистэлэҥнэрэ» кинигэтин уонна «Дьиэ кыыллара» карточкаларын бириис ылар буолан барыбытын үөртэ. Бары кыттыбыт оҕолор, салайааччылар туоһу суругу туттулар. Оҕолорбут аахпыт хоһооннорун “Айар” кинигэ кыһатын сайтыгар, социальнай ситимнэригэр көрүөхпүт.
Татьяна МЕСТНИКОВА