Ытыктабыллаах Николай Арианович уонна Сунтаар улууһун энергетикатын үлэһиттэрэ, бэтэрээннэрэ!
«Сунтаар улууһа (оройуона)» муниципальнай оройуон дьаһалтатын уонна оройуон Сэбиэтин дьокутааттарын ааттарыттан Энергетик күнүнэн итиитик-истиҥҥик эҕэрдэлиибит!
Үлэлэригэр бэриниилээх энергетик исписэлиистэрбитигэр дьоммут-сэргэбит дьиэлэригэр уот ситимин тардыыга уонна уулуссаларбытын сырдатыыга улахан түбүгү эрэйэр сыралаах үлэҕит иһин сүһүөхтээх бэйэбит сүгүрүйэн туран дириҥ махталбытын тириэрдэбит!
История кэрэһилииринэн 1979 сыл муус устар 23 күнүгэр «Якутскэнерго» РЭУ 106 №-дээх бирикээһинэн Бүлүүтээҕи энергосбыт отделениета тэриллибитэ, ол иһигэр Сунтаардааҕы учаастак. 2000 сыл бэс ыйын 14 күнүнээҕи бирикээһинэн «Якутскэнерго» Мииринэйдээҕи отделениетыгар бэриллибитэ. Электроэнергиянан хааччыйыы 240 км усталаах Мииринэй-Сунтаар Л-104 линиянан барар.
Бүгүҥҥү үөрүүлээх күҥҥэ энергетика салаатыгар үлэлээн ааспыт ытыктабыллаах бэтэрээннэрбитигэр, үлэлии сылдьар энергетиктэрбитигэр ыстаал доруобуйаны, уһун, дьоллоох олоҕу баҕарабыт! Эһиги кыһамньылаах үлэҕит биһиэхэ чэгиэн-чэбдик, этэҥҥэ үлэлии-хамныы, айа-тута сылдьарбытыгар модун күүс, тирэх, эрэл буолар. Эһигини өссө төгүл Энергетик күнүнэн эҕэрдэлиибит! Барыгытыгар чэгиэн доруобуйаны, дьолу уонна этэҥҥэ буолууну баҕарабыт!
Анатолий Григорьев, Сунтаар улууһун аҕа баһылыга,
Ульяна Попова, Сунтаар улууһун дьокутааттарын Сэбиэтин бэрэссэдээтэлэ.