“Доруобуйа” национальнай бырайыак чэрчитинэн Элгээйигэ врачебнай амбулатория тутуллуохтаах. Билигин тутуу барар миэстэтигэр эбийиэк сыбаайата түһэригэр аналлаах матырыйааллары аҕалан сүөкээтилэр.
Саҥа балыыһа былаан быһыытынан эһиил үлэҕэ киириэхтээх. Амбулаторияҕа күнүскү өттүгэр 6 куойка миэстэҕэ ыарыһахтар сытан доруобуйаларын көннөрүнүөхтэрэ. Терапевт уонна оҕо бырааһын кабинеттара,ону сэргэ УЗИ, тиис кабинеттардаах, лабораториялаах буолуоҕа.
Бу бэрт аҕыйах күнүнэн Элгээйигэ национальнай бырайыак чэрчитинэн эмиэ биир улахан суолталаах эбийиэк тутуугар үлэ күөстүү оргуйуо. Тутууну Иван Сахаров салайааччылаах “Северо-Восток Стройдизайн” ХЭТ ыытыаҕа.
Ааптар: Яина Власьева