Элбэх оҕолоох дьиэ кэргэни өйүүр сыаллаах

Ааспыт сыл ахсынньытыгар өрөспүүбүлүкэбит Ил Дархана Айсен Николаев Ил Түмэн дьокутааттарыгар, бырабыыталыстыбаҕа,  муниципальнай оройуоннарга, уопсастыбаннаска Анал туһаайыы этиитигэр элбэх оҕолоох дьиэ кэргэни өйүүр дьаһаллар салгыы ыытылла туруохтара диэн этэн турар. Онно кини «түөртэн элбэх оҕону төрөтөргө быһаарынар ыалларга сиэрдээх сыһыаны сөргүтэр кэммит кэллэ. Өрүспүүбүлүкэтээҕи “Семья” ийэ хапытаалын аҥаардас үһүс эрэ оҕо буолбакка, төрдүс, бэһис уонна ол кэннэ төрүүр оҕолорго эмиэ ананыахтаах. СӨ бырабыыталыстыбатыттан бэрт кылгас кэм иһигэр туһааннаах сокуон барылын оҥоро охсоругар, оттон норуот дьокутааттара ону чугастааҕы сиэссийэҕэ ылынаргытыгар көрдөһөбүн. Саҥа бэрээдэк 2025 сыл тохсунньу 1 күнүттэн үлэлиирин курдук» диэбитэ.

Онон, «Дети столетия» тус сыаллаах хапытаалы тэҥэ, 2025 сылтан төрдүс уонна ол кэннэ төрөөбүт оҕолоох ыалга өйөбүл үп көрүллэр буолуоҕа.

Яина ВЛАСЬЕВА

Читайте дальше