А.И.Иванов аатынан олимпийскай эрэллэри бэлэмниир оскуола манеһыгар уонна оҕо спортивнай оскуолатыгар остуол тенниһигэр күрэхтэһии ыытылынна. Манна Сунтаар нэһилиэгиттэн, Түбэй Дьаархантан, Элгээйиттэн, Аллыҥаттан, Күндэйэттэн, Устьеттан, Дьаархантан, Илимнииртэн барыта 50-ча оҕо кытынна. «Спортивные Якутяне» үөрэнээччилэр спартакиадаларыгар кыттарга күүстээх спортсменнары сүүмэрдиир улуустааҕы күрэхтэһии быһыытынан барда.
2007-2009 с.т. уолаттарга бастакы миэстэни Аркадий Алексеев (Сунтаар) ылыаҕын ылла, иккиһи Коля Кириллин (Элгээйи), үсүһү Артур Константинов (Элгээйи) ыллылар. Кыргыттарга Уйгууна Николаева (Сунтаар) бастакы, Валерия Федотова (Устье) иккис, Алина Алексеева (Дьаархан) үһүс буоллулар.
2010 сылтан балыс саастаах оҕолорго Килбиэн Ефремов (Сунтаар) бастаата, иккиһи Денис Торговкин (Сунтаар), үсүһү Демьян Сидоров (Аллыҥа) ыллылар. Кыргыттарга Вера Иванова (Сунтаар) бастаата, иккис Зина Петрова (Түбэй Дьаархан), үһүс Аэлита Саввинова (Сунтаар) буоллулар.
Кылаабынай судьуйа Мичил Николаев (Илимниир оскуолатын физкультураҕа учуутала) күрэхтэһиини тэрийэн ыытта, остуол тенниһин Федерациятын толорооччу дириэктэрэ Саргын Баҕатаан күүс-көмө буолла. Тэрийээччилэр оскуолалар учууталларыгар, төрөппүттэргэ махталларын тириэрдэллэр.
Айталина ЕФРЕМОВА