Сунтаар эдэр бөҕөстөрө ССРС успуордун маастара Василий Гоголев турнирыттан 6 мэтээли аҕаллылар.
Ааспыт нэдиэлэҕэ Чурапчыга саха биллиилээх тустууга, ССРС успуордун үтүөлээх маастара, чурапчылар биир киэн туттар бөҕөстөрө Василий Гоголев бирииһигэр көҥүл тустууга турнир буолан ааспыта.
Манна биһиги улуспутуттан 9 эдэр бөҕөс баран кыттан кэллэ. Бу тоҕус оҕоттон 6-та кыайыы көтөллөннүлэр. Ол курдук, 38 кг ыйааһыҥҥа тустан Игнатьев Саян иккис миэстэни ылла. Яковлев Артур 41 кг ыйааһыҥҥа кыһыл көмүс мэтээл хаһаайына буолла. 48 кг ыйааһыннаах эдэр бөҕөспүт Тимофеев Вадим үһүс бочуоттаах миэстэни ылан кэллэ. 52 киилэҕэ Васильев Данил чөмпүйүөннээтэ. 68 кг ыйааһыҥҥа Яковлев Эрик үһүс, оттон Сергучев Миша 75 кг ыйааһыннаахтарга үһүс миэстэни ылла. Ону тэҥэ Васильев Данил «Лучший борец» номинацияны ылары ситистэ.
Үөрэнээччилэргэ буоксаҕа өрөспүүбүлүкэтээҕи турнирга биһиги улууспутуттан икки уол ситиһиилээхтик кыттан кэллэ. Ол курдук Павлов Арчыл 42 киилэҕэ, 44 ыйааһыҥҥа Макаров Эрсан бастакы миэстэлэри ылары ситистилэр. Бу турнирга улууспутуттан уопсайа алта оҕо баран кытынна.
Яина ВЛАСЬЕВА