Сатабылы сайыннарарга, идэни сөпкө таларга, үлэ үөрүйэхтэригэр оҕону кыра сааһыттан үөрэтэр-иитэр сыаллаах улуустааҕы ‘Кырачаан маастардар’ (1-4 кыл.) уонна Сунтаар нэһилиэгин иһинэн «Эдэр маастардар» (5-7 кыл.) чемпионаттара бу күннэргэ олус өрө көтөҕүллүүлээхтик ыытылыннылар. Кыттааччылар, наставниктар, кылаас салайааччылара, төрөппүттэр бары бииргэ сомоҕолоһон бэлэмнэнэн, ох курдук оҥостон, кустук курдук куоһанан кэлбиттэр. Оҕолор мода , рестораннай сервис, быраабы араҥаччылааччылар (полицейскайдар), графическай дизайн, коммуникабельность, визаж уонна стилистика, 3 д протипирование, мобильнай робототехника, парикмахерскай искусство, повар дьыалата, эбии үөрэхтээһин: баһаатай, тыҥырах оҥорооччу маастара, мультимедийнай журналистика диэн олус интэриэһинэй күрэстэргэ сааһынан арахсан, бэриллибит сорудахтары толордулар. Сатабыллаах кыра маастардары уопуттаах педагогтар, туһааннаах эйгэттэн ыҥырыллыбыт, идэлэрин толору баһылаабыт үтүөлээх үлэһиттэр сыаналаатылар. Ол курдук, Сунтаардааҕы технологическай колледж бастыҥ маастар асчыттара, преподавателлэр Альбина Спиридонова, Людмила Дашевская, Сунтаардааҕы Ис дьыала отделыттан ГИБДД начальнига Сахаян Александров, отдел начальнигын уопсастыбаннай бэрээдэги кытта үлэҕэ солбуйааччыта Артем Афанасьев, ПДН инспектора Ульяна Жиркова, парикмахер, бренд Оllin professional технолога Александра Спиридонова, «Киэргэнэр киин» салон парикмахера, визажист, өрөспүүбүлүкэтээҕи конкурс Гран-При кыайыылааҕа Айталина Николаева, сертификаттаах нейл- маастардар Намыына Сергеева, Александра Николаева, «Сунтаар сонуннара» хаһыат корреспондена Дмитрий Ымычанов уо. д. а. Дьүүллүүр сүбэҕэ улахан дьону сэргэ Өрөспүүбүлүкэтээҕи «Профессионалы» чемпионат кыайыылаахтара, идэни баһылааһын тургутуутун хаста да ааспыт үөрэнээччилэр — бастыҥ спикер Федот Алексеев, бастыҥ араатар Айна Ераскумова, бастыҥ асчыт Лианна Петрова тэбис-тэҥҥэ сылдьан үлэлээтилэр. Чемпионат ыытылларыгар күүс-көмө буолбут Сунтаардааҕы В. Г. Павлов аат. алын сүһүөх оскуолатыгар (дир. Назаров А. С.), А П. Павлов аат. Сунтаардааҕы 1 оскуолатыгар (дир. Матвеев А. С.) уонна Дьүүллүүр сүбэҕэ барыларыгар тэрийээччилэр ааттарыттан улахан махталбытын тиэрдэбит.
Үлэни кыра сааһыттан таптыыр, үлэнэн олорор киһи бу сиргэ саамай дьоллоох!
Айна ЯКОВЛЕВА
