Арассыыйабытыгар – Дьиэ кэргэн, Өрөспүүбүлүкэбитигэр – Оҕо саас сыла биллэриллэн улууспутугар араас хабааннаах тэрээһиннэр тиһигин быспакка ыытыллаллар. Манан сиэттэрэн, кулун тутар 26 күнүгэр улуустааҕы Ыччат спартакиадатын чэрчитинэн “Эдэр дьиэ кэргэн-2024” куоҥкуруһа биллэриллиннэ.
Күрэс сыала-соруга дьиэ кэргэн сыаннастарын үрдэтии, эдэр дьиэ кэргэни өйөөһүн, дьиэ кэргэн ис сыһыанын бөҕөргөтүү. Бу күрэскэ 35-гэр диэри саастаах Сунтаар улууһугар ыал буолбут 1 эбэтэр бииртэн элбэх оҕолоох эдэр ыал кыттыахтарын сөп. Куоҥкурус үс түһүмэхтэн турар:
I Түһүмэх: Бэйэни билиһиннэрэр, көрдөрөр сыаллаах визитка. Дьиэ кэргэн гиэрбэтэ.
II Түһүмэх: Дойдуга бэриниилээх буолуу тыыны саҕар дьиэ кэргэн толоруутугар ырыа эбэтэр хоһоон.
III Түһүмэх: Дьиэ кэргэн дьоҕурун көрдөрөр быыстапка. Ону тэҥэ дьиэ кэргэн фотосессиятын көрдөрүү.
Кыайыылаахтар улуус Аҕа баһылыгын Гранын тутуохтара.
I миэстэ – 30000 солк
II миэстэ – 20000 солк
III миэстэ – 10000 солк
Бу куоҥкуруска кыайыылаах тахсыбыт дьиэ кэргэн өрөспүүбүлүкэтээҕи “Саха Өрөспүүбүлүкэтин эдэр дьиэ кэргэнэ-2024” куоҥкуруска Сунтаар улууһун аатыттан кыттар чиэскэ тиксиэ.
Сунтаарбыт улууһун көхтөөх ыалларын, айар куттаах, талба талааннаах, чөл олоҕу өрө тутар улууспут эдэр ыалларын куоҥкуруска кыттаргытыгар ыҥырабыт.
Куоҥкуруска сайаапкалары Ыччат дьиэтигэр, Киров уул. 62-гэр эбэтэр molpol-vs@mail.ru аадырыска ыытаргытын күүтэллэр.
Б.н. 89679114486 (Анастасия Алексеевна)
«Сунтаар сонуннара» улуус хаһыата