Байыаннай дьайыыга олоҕун толук уурбут, Арассыыйа уонна Донецкай наруодунай Өрөспүүбүлүкэ дьоруойа үрдүк аатын ылбыт Дмитрий Егоров сырдык кэриэһигэр аналлаах истиэндэ, Арыылаах нэһилиэгэр «Сарыал» култуура киинигэр аһылынна . Бу истиэндэ дьоруой хорсун быһыытын эдэр көлүөнэ ыччакка холобур оҥостон кэпсиир, биллэрэр, иһитиннэрэр сыаллаах, үтүө аатын үйэтитэр соруктаах буолар.
«Өлбүттэр тустарынан үтүө өйдөбүлү иҥэриммэт буоллахпытына, тыыннаах дьону таптыырга үөрэнэр кыахпыт суох», — диэн мээнэҕэ эппэттэр. Дойдугутун таптааҥ, киэн туттуҥ, дьоруойдар ааттарын билэргэ кыһаныҥ, хорсун быһыылары күннээҕи да олоххо оҥорорго кыһаныҥ. Ким да, хаһан да умнуллубатын, маннык кутурҕан хатыламматын!
Дима сырдык мичээрэ, элэккэй майгыта, эр санаата, хорсун быһыыта, сырдык аата үйэлэргэ ахтылла туруо!
Виталина КОНСТАНТИНОВА,
«Сарыал» култуура киинин директора