Тохсунньу 27 күнүгэр, Арыылаах бибилэтиэкэтигэр биир дойдулаахпыт Арассыыйа Дьоруойа Дмитрий Егоров аатыгар ахтыы буолла. Бу күн кини 49 сааһа буолуохтааҕа. Бибилэтиэкэ үлэһитэ Дьоруойга анаан, кэнчээри ыччакка кини туһунан кэпсиир матырыйаал хомуйар сыаллаах стендэ оҥорон саҕалаабыт. Үөрэппит учууталлара Ксения Кларова, Розалия Иванова истиҥ ахтыыны оҥордулар. Оскуолаҕа бииргэ үөрэммит Люция Мырьянова оҕо сааһыттан санаан сэһэргээтэ. Эдуард Еремеев, Дмитрий дьиэ кэргэттэрин билиһиннэрэр кинигэ таһааттаран эрэрин этэн дьонун сэргэтин үөртэ. Инникитин Дьоруой аатын үйэтитэргэ үлэлэһэр хамыыһыйа тэрийэргэ сүбэлэһэн тарҕастылар.
Александра ПАВЛОВА,
бибилэтиэкэ үлэһитэ