Бэс ыйын 28 -30 күннэригэр Таатта улууһун Чычымах сэлиэнньэтигэр Таатта улууһугар инбэлииттэр түмсүүлэрэ үлэтин саҕалаабыта 35 сыллаах үбүлүөйүн көрсө бүтүн өрөспүүбүлүкэтээҕи успуорт уонна култуура бэстибээлэ буолар. Быһа холоон 15 улуустан 324 кыттааччы кэлэрэ күүтүллэр. Икки күн устата волейболга, дуобакка, корнхолга, теннискэ, бэстилиэтинэн, бинтиэпкэнэн ытыыга, дартска , олоҥхо, сыаҥка толоруутугар күөн күрэстэр буолуохтара. Бу бэстибээлгэ Сунтаар улууһуттан 20 киһи икки хайс массыынанан уһун айаҥҥа туруннулар. Доруобуйаларынан хааччахтаах эр санаалаах дьоммутугар ситиһиилэри баҕарыаҕыҥ!
Зинаида ФЕДОТОВА-Дьол Кыыма
