Улуустааҕы Дьарыктаах буолуу киинин салайааччыта Александр Николаев Ил Дархан СӨ Судаарыстыбаннай мунньаҕын(Ил Түмэнин) дьокутааттарыгар Анал этиитигэр санаатын маннык үллэстэр:
— Мин социальнай эйгэ үлэһитэ буоларым быһыытынан Айсен Николаев этиитигэр нэһилиэнньэ олоҕо тупсарыгар үгүс дьаһаллар ылыллыахтарын туһунан этиитин олус сэргээтим. Ол курдук, кэлэр сылга дьадайыыны утары ылыммыт былаан, дьиэ кэргэни өйүүр, дьон үлэлээх буолууларын ситиһэргэ элбэх бырагыраама үлэлиэҕэ диэтэ. Холобур, бэйэ дьыалатын тэриниигэ социальнай хантараак икки төгүл үрдүөҕэ, тыа сирин дьоно бырамыысыланнаска сыстарыгар «Местные кадры в промышленность» бырагырааманан, дойдубут Бэрэсидьиэнэ Владимир Путин көҕүлээбит национальнай бырайыактарын хайысхаларын күүскэ үлэ барарын күүтэбит.
Рабочай идэлэр престижтэрин үрдэтиигэ сүрүн болҕомто ууруллуо диэбитин сэргээтим. Ону сэргэ Ил Дархаммыт үүнэр көлүөнэ ыччаты патриоттуу иитиигэ, дойдуларыгар бэриниилээх буолууларын ситиһэргэ анал киин тэриллэн үлэлиэҕэ диэбитэ эмиэ элбэҕи этэр.
«Сунтаар сонуннара» хаһыат