Бүгүн улуус дьаһалтатыгар анал байыаннай эпэрээссийэҕэ сылдьар биир дойдулаахпытын кытары көрсүһүү тэрилиннэ. Кини билигин уоппускатыгар кэлэ сылдьар. Байыаннай сулууспалаахха баһылыгы социальнай боппуруостарга уонна имиджевай бэлиитикэҕэ солбуйааччы Гаврил Еремеев улуус салалтатын аатыттан бэлэх туттарда.
Уоппускатыгар сылдьар буойуҥҥа улуус тэрилтэлэрин салайааччылара этэҥҥэ буолууну баҕардылар. Сынньалаҥыҥ кэмигэр дойдуҥ мүөттээх салгынынан дуоһуйа тыын, күүс-уох эбин, дьиэ кэргэҥҥин, чугас дьоҥҥун кытары астына сынньан диэн баҕа санааларын эттилэр.
Ааптар: Яина Власьева