«ДАЛБАР ХОТУН» КИМ БУОЛЛА?

Сунтаар улууһун үрүҥ тунах ыһыаҕар.
Арассыыйаҕа дьиэ кэргэн, Саха Өрөспүүбүлүкэтигэр оҕо саас, Сунтаар улууһугар аҕам саастаахтарга ытыктабыл сылыгар аналлаах «Далбар Хотун -2024» улуустааҕы күрэс олус кэрэ тылларынан са5аланна.
Сахам Далбар хотуна
Килбиккин даҕаны
Дьабака бэргэһэ кэтэҥҥин,
Солко5о, саарбаҕа сууланан
Суугунан аастаҕын…
Күрэс сыала — соруга былыр былыгыттан ырыаҕа ылламмыт, хоһооҥҥо хоһуллубут, номоххо этиллибит Саха омук далбар хотунун кэрэ эйгэҕэ, ис кыаҕынан, айар дьоҕурун, талаанын сайыннарарга, олоххо дьулуурдаах, сиэр-майгы өттүнэн туруктаах буоларын ситиһэргэ, саха төрүт култууратын билиигэ олук ууруу буолар.
Барыта 6 нэһилиэктэн аҕыс далбар кытынна. Кыттааччылар 4 сүрүн түһүмэххэ тургутууну аастылар. Ол курдук:
— бастакы түһүмэх – «Бэйэни билиһиннэрии»;
— иккис түһүмэх – «Айар күрэх»;
— Үһүс түһүмэх – «Ас күрэҕэ»;
— Төрдүс түһүмэх – «Сахалыы таҥас»
Дьүүллүүр сүбэҕэ  С.А. Зверев- Кыыл Уолун аатынан УНАК дириэкттэрэ, СӨ култууратын туйгуна Алексей Седалищев, Сунтаар улууһун аҕа түмсүү салайааччыта Борис Уларов, С.А. Зверев аатынан УНАК иис-уус салаатын салайааччыта, СӨ култууратын туйгуна Ирина Митина.
Тыҥааһыннаах күрэс түмүгэ маннык буолла:
«Далбар Хотун» аат — Потапова Н.И. (Түбэй Дьаархан);
«Айыы Хотун» аат — Пустолякова Л.Н (Сунтаар);
«Күн Күбэй Хотун» аат — Степанова М.М. (Күндэйэ);
«Уран Хотун» аат — Эконова Н.И. (Сунтаар);
«Ытык Мааны Хотун» аат — Зедгенидзева С.Н. (Түбэй);
«Арылы Хотун» аат — Саввинова М.М. (Аллаҥа);
«Талба Хотун» аат — Докторова С. П. (Сунтаар);
«Сайдам Хотун» аат — Константинова В.В. (Уһун –Күөл);
Күрэс сүрүн үбүлээччилэринэн буолаллар Сунтаар улууһун дьаһалтата, Сунтаар култууратын уонна айылгытын салалтатын салаата, Сунтаардааҕы алмазэргиэнбанк филиала. «Далбар Хотун» аатын сүкпүт кыттааччы Потапова Н.И. илин кэбиһэр сыаналаах бэлэҕи кэттэ. Бары кыттааччылар сыаналаах бэлэхтэринэн наҕараадаланнылар.

   Ирина МИТИНА СӨ култууратын туйгуна

Читайте дальше