Алтынньы 27 күнүттэн сэтинньи 3 күнүгэр диэри улууспут кииниттэн тэйиччи сытар Дьаархан нэһилиэгэр, Б.Г.Игнатьев аатынан интэринээт-оскуолата уонна “Одун” норуот айар киинэ көҕүлээһиннэринэн, биир нэдиэлэ “Одун оскуолата” лааҕыр үлэтин саҕалаата.
Бу лааҕырга Хочо нэһилиэктэриттэн Уһун-Күөлтэн, Тойбохойтон, Кириэстээхтэн, Аллыҥаттан, Куокунуттан уонна бэйэбит нэһилиэкпититтэн барыта 32 оҕо сылдьар. Лааҕырга сырдыкка-кэрэҕэ тардыһар, элбэҕи билиэн-көрүөн, сайдыан, төрүт үгэспитин илдьэ сылдьар норуот уус-уран аймньытыгар, үҥкүү абылаҥар, тыйаатыр эйгэтигэр, “Суорун-медиа” студияҕа киинэ устарга уһуйуллуон баҕалаах оҕолор муһуннулар.
Биир нэдиэлэ тухары араас умнуллубат, хатыламмат дьарыктар, тэрээһиннэр, библиотечнай уруоктар буолуохтара. Ону таһынан видео устарга, сценарий суруйарга, сыанаҕа сөпкө тутта-хапта сылдьарга дьарыктаныахтара. Онон оҕолор бары көхтөөхтүк туох баар тэрээһиннэрбитигэр үөрэ-көтө бары биир ыал оҕолорун курдук сиэттиспитинэн кыттыыны ыла сылдьаллар.
Анна НИКОЛАЕВА,
олохтоох бибилэтикэ