Улуустааҕы киин библиотека ааҕар саалатыгар бэрт сэргэх тэрээһин буолла. Ол курдук, «Чолбон» сурунаал кылаабынай эрэдээктэрэ Гаврил Aндросов, сурунаал эппиэттиир сэкирэтээрэ Туяра Павлова уонна бэйэбит кыыспыт, поэт, суруйааччы Ангелина Шадринова-Суоһааны ааҕааччылары кытары көрүстүлэр.
Кылаабынай эрэдээктэр Гаврил Гаврильевич сурунаал ис хоһоонун, эрэдээксийэ үлэтин-хамнаһын билиһиннэрдэ. Мустубут дьоҥҥо бэйэтин хоһоонноруттан ааҕан иһитиннэрдэ.
Ангелина Шадринова-Суоһааны «Чолбон» сурунаал саха тыла сүтэн-иҥэн хаалбатын, сахалыы ааҕыыны тарҕатыы туһугар үлэлиирин бэлиэтээтэ.
Истиҥ көрсүһүү кыттыылаахтара араас хайысхалаах ыйытыылары биэрдилэр. Санаа атастаһыыта буолла.
Яина ВЛАСЬЕВА