Сунтаар сэлиэнньэтин олохтоохторо ГТО нуормаларын туттардылар. Улуустааҕы успуорт отделын ГТО-ҕа кылаабынай исписэлииһэ Уйусхан Егоров салайааччылаах Сунтаар оскуолаларын физкультураҕа учууталлара ГТО туттара кэлбит дьоҥҥо сүбэлээн, көрдөрөн үчүгэйдик үлэлээтилэр.
Саамай тэриллиилээхтик, хомуллуулаахтык биир хамаанда буолан, олус тупсаҕай спортивнай формалаах КИОлар (салайааччы Сардаана Ксенофонтова) кэлбиттэр.
Тардыныы, ыскамыайкаттан анньыныы, ыстаныы, гиирэ анньыы, сүүрүү, саастаахтарга скандинавскай хаамыы, буулдьанан ытыы курдук көрүҥнэри бэйэлэрин саастарыгар сөп түбэһэр нуормаларын көрө-көрө аа-дьуо сылдьан туттардылар.
«Чебурашка» уһуйаан салайааччылара Алена Ксенофонтова, Александра Николаева кыһыл көмүс бэлиэҕэ туттараннар кэллиэгэлэригэр холобур буоллулар.
Ыам ыйыгар ГТО нуормаларын туттара барыахпыт диир дьон элбэх.
Мария ВАСИЛЬЕВА