Г.Е. Бессонов аатын сүгэр Тойбохой орто оскуолатыгар улуус оскуолаларын иитэр-үөрэтэр үлэ5э бастыҥ үлэлэрин арыйар, тарҕатар сыаллаах «Чаҕылхай салайааччы — 2023» көрүү-күрэх буолан ааста. Манна барыта 10 учуутал кыттыыны ылла. Өрөспүүбүлүкэтээҕи көрүү-күрэх балаһыанньатыгар сөп түбэһиннэрэн күрэх 4 түһүмэҕинэн барда: бэйэни билиһиннэрии, кылаас чааһа, маастар кылаас, ыйытыкка хоруйдар. Күрэҕи маннык састааптаах дьүүллүүр сүбэ сыаналаата: Уаров В.В., Андреева С.Р., Сидорова А.А., Леонтьева П.Е., Васильева М.И, Сафонов В.К.
Улахан эрийсиилээх күрэх түмүгэр Сунтаардааҕы лиссиэй-интэринээт омук тылын учуутала -Алена Сивцева эрэллээхтик кыайыылаах үрдүк аатын сүктэ; 2-с үрдэл — Наталья Степанова, Сунтаардааҕы гимназия саха тылын учуутала; 3-с үрдэл — Наталья Кириллина, Сунтаардааҕы 3-с нүөмэрдээх орто оскуола алын сүһүөх учуутала. 1-с үктэл (призер) — Инесса Михайлова, Илимниир орто оскуолатын учуутала; 2 үктэл- Юрий Егоров, Кутана орто оскуолата; 3 үктэл — Сардаана Маркова, Сунтаар 1№дээх орто оскуолата. Екатерина Семенова, -«Угуйааччы уһуйааччы», Уустуйа орто оскуолата. Диана Трофимова -«Үгэһи харыстааччы», Дьаархан орто оскуолата. Изабелла Федорова -«Идэтигэр бэриниилээх»анал ааттар хаһаайыннара буоллулар. Тойбохойтон Анна Васильева «Бастакы ситиһии» аатын сүктэ.
Көрүү-күрэх кыайыылааҕа ахсынньы 6-9 күннэригэр Дьокуускай куоракка өрөспүүбүлүкэ таһымыгар кыттар. Кыайыылаах Алена Сивцева Сунтаар улууһун чиэһин «Чаҕылхай салайааччы -2023» күрэскэ ситиһиилээхтик көмүскүө диэн эрэнэбит .
Бары кыттааччыларга, тэрийээччилэргэ барҕа махталбытын этэбит.
Анна СИДОРОВА,
Сунтаардааҕыы үөрэҕирии управлениетын сүрүннүүр исписэлииһэ