Бүгүн, балаҕан ыйын 15 күнүгэр, Сунтаар 1-кы нүөмэрдээх оскуолатын иһинэн үлэлиир «Медиа-киин» оҕолоро «Сунтаар сонуннара» хаһыат эрэдээксийэтигэр ыалдьыттаатылар. Бу «Медиа-киини» Анна Иванова хаһыс да сылын иилээн-саҕалаан үлэлэтэр. Оҕолор манна информацияны тиэрдии араас ньыматыгар үөрэнэллэр, бэйэлэрин авторскай биэриилэрин устарга, таҥарга холоноллор. Бүгүҥҥү ыалдьыттарбыт номнуо өрөспүүбүлүкэтээҕи араас күрэскэ үлэлэринэн кыттан кэккэ ситиһиилээхтэр.
Оҕолор эрэдээксийэҕэ кэлэн хаһыат үлэтин-хамнаһын, үлэһиттэрин кытта билистилэр. Хаһыат билиҥҥи олоххо суолтатын, матырыйаалы булуу ымпыгын-чымпыгын кылаабынай эрэдээктэр Юлия Алексеева, хаһыаты таҥыыны, бэчээттээн таһаарыыны, медиа өттүн анал кэрэспэдьиэн Дмитрий Петров кэпсээтилэр.
Кэнэҕэһин оҕолор улуус хаһыатын кытта ыкса бииргэ үлэлэһиэхтэрэ, кэмиттэн кэмигэр сырдатар-иһитиннэрэр үлэлэрин эрэдээксийэ таһаарыыларыгар бар дьон ааҕыа, көрүө. Бу курдук инникигэ былааннаах икки өттүттэн сөбүлэҥ кэпсэтиилээх истиҥ көрсүһүү түмүктэннэ.
«Сунтаар сонуннара» хаһыат.