Бүлүү куоракка «Мин бизнеһим: Бүлүү — инвестиция территорията» диэн форумҥа 200-тэн тахса киһи кытынна. Маннык форум инвестиция этиилэрин, сайдыы саҥа кыахтарын, сонун трендэлэри, туһалаах дьону кытта билсэргэ тоҕоостоох көрсүһүү буолар.
Форуму атыы-эргиэн уонна туризм урбаанын министиэристибэтэ, «Мин бизнеһим» киин, Бүлүү улууһун уонна Бүлүү куоратын дьаһалталара тэрийдилэр.
Сунтаартан экэниэмикэ сайдыытын управлениетын салайааччыта Ия Ефремова, тыа хаһаайыстыбатын управлениетын салайааччыта Владимир Анисимов, тыа хаһаайыстыбатын управлениетын салайааччытын солбуйааччы Григорий Готовцев, тыа хаһаайыстыбатын управлениетын оҥорон таһаарыы менеджерэ Павел Титов, экэниэмикэ сайдыытын управлениетын сүрүн исписэлииһэ Мария Спирова, экэниэмиичэскэй сайдыы управлениетын сүрүн исписэлииһэ Туйаара Михайлова, Наахаратааҕы “Бөрө үүтээнэ” хоноһо дьиэтин хаһаайката Татьяна Васильева сырыттылар, уопут үллэһиннилэр.
Форумҥа Владимир Федорович Сунтаар улууһугар хаһаайыстыбатын балаһыанньатын билиһиннэрдэ, эдэр ыччаты, саҥа исписэлиистэри угуйуу, сири-уоту үөрэтээһинин туруоруста. Татьяна Юрьевна “Арҕааҥы Саха сирин сырдатыы: Сунтаар улууһугар туризм урбаанын арыйыы” диэн дакылаатынан бэйэтин уопутун билиһиннэрдэ.
Форум 5 бөлөҕүнэн ыытылынна. Ол курдук, Тыа хаһаайыстыбата — ас дэлэйиитин төрдө диэн бөлөххө бэйэ дьарыктаах буолуу уонна дьоҕус, орто урбааннары көҕүлүүр көмөлөрү көрдүлэр. Иккиһинэн, баар кыһалҕалары туоратарга кэтэх хаһаайыстыба уонна судаарыстыба (муниципалитет) кыттыгастара бөлөххө олохтоох оҥорон таһаарыы территориятын сайыннарыы тиэмэтэ көрүлүннэ. Оттон «Туризм сайдыы вектора» диэн бөлөххө историческэй-култуурунай нэһилиэстибэни харыстааһын ньымаларын, туризм биисинэһин былаанын оҥорон граҥҥа киирсэргэ маастар-кылаас ыытылынна уонна туризм урбаанын уратытын ырыттылар. Ону таһынан биисинэһи сайыннарыыга блогердааһын ньымата бөлөххө Ольга Птицына (Sofinew), Уйгулаана Николаева (Сай Саха), Вячеслав Романов (Панда Саха), Александр Ермолаев (Dan-Dan кафе онна Окинава доставка сулууспата, Plomba стоматологическай клиникэ ситимин, «Домино» ипотечнай киин хампаанньа бөлөҕүн генеральнай дириэктэрэ) кэлэн үлэлэрин сырдаттылар. Социальнай контракт чэрчитинэн судаарыстыба социальнай көмөтүн бөлөҕөр социальнай көмөнү оҥоруу, көмөнү ылааччылары көҕүлүүр үлэлэр көрүлүннүлэр уонна «Каадыр тиийбэт кэмигэр үлэһиттэри наймылаһыы, мотивациялааһын» диэн «Фокус Про» консалтинговай киинтэн Тобун Дьулустаан кэлэн сэминээр ыытта.
Онон олус туһалаах көрсүһүүгэ улуустар урбаанньыттара көхтөөхтүк кыттан , үгүс билиини, сонун үөрэҕи ыллылар. Хас биирдии бөлөххө тиэмэни илдьиритэн аһаҕас кэпсэтии, уопут, санаа атастаһыыта буолла. @suntaar_ulus
Улуус дьаһалтатын пресс-сулууспата