Сунтаар 1-кы нүөмэрдээх орто оскуолатын үөрэнээччилэрэ Стас Ли (10 а) Сайаана Максимова (10 б), Слава Пустоляков, Милена Семенова, Нарыйа Васильева, Ани Егорова (8 в) буолан Бүлүүчээҥҥэ баран кэллибит. Биһигини Тамара Степанова салайан илдьэ сырытта.
Быйыл Бүлүүчээн нэһилиэгэ130 сылын бэлиэтиир. Биһиги Бүлүүчээннээҕи церковь макетын художественнай галереяҕа бэлэхтээтибит. Бу галерея үлэһитэ Александр Кириллин церковь макетын бэлэх тутан аhара үөрдэ. Бу макеты Стас Ли, Анисия Семенова, Дарина Молосокова (11в), Юра Соловьев (11 в ) оҥорбуппут. Салайааччыларбыт УПМ маастара Юрий Иванов, технология учуутала Тамара Степанова буолаллар.
Ону тэҥэ Стастыын «Шедевр деревянного зодчества- Вилючанская церковь» дакылаатынан Бүтүн Арассыыйатааҕы бэстибээлгэ кыттан, иккис истиэпэннээх дипломунан уонна өрөспүүбүлүкэтээҕи Бессоновскай ааҕыыларга 1-кы миэстэни ылбыппыт.
Анисия СЕМЕНОВА,
Сунтаар 1 N-дээх оскуолатын 10 а кыл. үөрэнээччитэ.