Дойду көмүскэлигэр, анал байыаннай дьайыыга сулууспалыы сылдьар буойуннарбыт оҕолоругар бэлэх туттарыы — биир дойдулаахтарбытыгар истиҥ махтал бэлиэтэ уонна кинилэр дьиэ кэргэттэригэр көмө-кыһамньы биир көстүүтэ.
Ол курдук, Сунтаарбыт улууһун урбаанньыта Анна Константинова Сунтаардааҕы санаторнай-оскуола СВО кыттыылаахтарын оҕолоругар Саҥа дыллааҕы бэлэхтэри туттарда.
Улууспут олохтоохторо уонна тэрилтэлэрэ СВО буойуттарын оҕолоругар көхтөөхтүк көмөлөһөллөрүгэр санаторнай-оскуола дириэктэрэ Мария Афанасьевна Бекренева уонна оскуола кэлэктиибэ махталларын этэллэр.
«Сунтаар сонуннара» хаһыат.