Балаҕан ыйын 28 күнүгэр, Сунтаар улууһугар Аҕам саастаах дьоҥҥо ытыктабыл сылынан, ону тэҥэ, аҕам саастаахтар ыйдарын чэрчитинэн Бордоҥ нэһилиэгэр декада үөрүүлээх аһыллыыта ыытылынна. Ону сэргэ 60 үөһэ саастаах ветераннарбытыгар улуустааҕы бильярд турнира ыытылынна. Улуус бэтэрээннэрин сэбиэтин бэрэссэдээтэлэ Афанасий Кириллович Васильев ыҥырыылаах ыалдьыт буолан кэлэн эҕэрдэ тылын, көхтөөх аҕам саастаах дьоҥҥо улуус махтал суруктарын, сэмэй бэлэхтэрин туттартаата. Салгыы кулууп фойетыгар бырааһынньыктааҕы остуол тардыллан, көрдөөх оонньуулар ыытылыннылар. Тэрээһин олус сэргэхтик тэриллэн аҕам саастаахтарбыт астынан — дуоһуйан тарҕастылар.
Лидия АЛЕКСЕЕВА
