Төрөөбүт төрүт тыл уонна сурук-бичик күнүн көрсө оскуола 5-11-с кылаастарын үөрэнээччилэригэр «Биир буукубаттан кэпсээннэ суруйуох» куоҥкуруһу биллэрэбит.
Куоҥкурус ирдэбилинэн кыттааччы биир талбыт буукубатыттан тахсар тыллары ситимнээн кэпсээн суруйуохтаах. Кэпсээн хас биирдии тыла биир буукубаттан туруохтаах. Холобур, «Т» буукубаттан: «Тохсунньу тоһуттар тымныылаах томороон түүнүгэр таһырдьа тахсан таҥаһын тэбээбит…» Кыттааччы бу курдук талбыт биир буукубатыттан тыллары сааһылаан кэпсээн таҥан таһаарыахтаах. Сыаналааһыҥҥа кэпсээн тутулун тутуһуу, ис хоһооно интэриэһинэйэ, этиилэрэ ситимнээхтэрэ учуоттаныахтара.
Үлэлэри олунньу 2 күнүттэн 15 күнүгэр диэри suntnews@mail.ru эбэтэр +79143000136 нүөмэргэ бассаабынан күүтэбит.
Түмүгү таһаарыы: дьүүллүүр сүбэ – эрэдээксийэ суруналыыстара, түмүгү икки бөлөҕүнэн – 5-7-с уонна 8-11-с кылаастарга арааран, бөлөх аайы биирдии кыайыылааҕы быһаарыа.
Күндү оҕолор! Төрөөбүт сахабыт баай, хомоҕой тылынан уустаан-ураннаан айарга холонуох!
«Сунтаар сонуннара» хаһыат.