Бүгүн, муус устар 10 күнүгэр С.А. Зверев-Кыыл Уолун аатынан норуот айымньытын киинигэр үөрэҕирии бэтэрээнин, Сунтаар нэһилиэгин бочуоттаах олохтооҕун, СӨ «Учууталлар учууталлара» бэлиэ хаһаайынын, РФ үөрэхтээһин эйгэтин бочуоттаах үлэһитин Анатолий Степанович Новиковы бочуоттаах сынньалаҥҥа атаарыы үѳрүүлээх быһыыга-майгыга ыытылынна.
Бу үтүө түһүлгэҕэ улууспут аҕа баһылыгын социальнай имиджевай политикаҕа солбуйааччы Гаврил Еремеев, үөрэх управлениетын салайааччыта Альберт Иванов уонна ѳр сылларга алтыһан үлэлээбит үөлээннээхтэрэ, үѳрэх тэрилтэтин салайааччылара, үлэһиттэрэ кыттыыны ыллылар.
Анатолий Степанович үөрэҕирии үлэһиттэрин профсоюһун хамсааһынын үлэтигэр ахсаабат сыратын ууран, бары ыытыллар тэрээһиннэргэ көхтөөхтүк кыттан, саҥа сүүрээннэри олоххо киллэрэргэ дьулуһан, бары билиитин, кыһамньытын ууран үлэлээн кэллэ. Кини сырдык санаатынан, үлэҕэ-хамнаска дьулуурунан, сатабыллаах салайыытынан үүнэр көлүөнэ үлэһиттэргэ, салайааччыларга холобур буолар. Туруоруммут сыалы, эппит тылын ситиһиитинэн, идэлээх сойууспут интэриэстэрин кѳмускүүр күүстээҕин дакаастаата.
Ытыктабыллаах Анатолий Степанович, биир идэлээхтэриҥ ааттарыттан эйиэхэ кытаанах доруобуйаны, чэгиэн туругу, модун санааны, толору дьоллоох, уһун үйэлээх олоҕу баҕарабыт.
Нина ПАВЛОВА,
Сунтаар улууһун үѳрэҕэриитин эйгэтин профсоюһун бэрэссэдээтэлэ