Кэмпэндээйи диэн бөhүөлэк Сунтаар улууhун биир дьикти, кэрэ, баай айылҕалаах сиригэр турар. Онно экологическай уонна экспедиционнай хайысхалаах «Сир уустара» лааҕыр үлэлиир. Бу сайын миигин баһаатайдаа диэн ыҥырбыттарыгар, бэйэбин боруобаланан көрөр сыаллаах бу лааҕырга баһаатайынан үлэлээтим. Араас элбэх дьарыктары ыыттыбыт, холобур, араатардыыр искусство, үҥкүү, ырыа-тойук, араас успуорт курэхтэр, экология. Манна Ньурбаттан, Бүлүүтэн, Дьокуускайтан уонна Сунтаар улууhун бөһүөлэктэриттэн 36 оҕо кэлэн 16 хонукка сырыттылар.
Киэhэтин сүүрэн-көтөн, күлэн-үөрэн, курэхтэhиилэргэ кыттан, концерт көрдөрөн, сынньалаҥмытын туhалаахтык атаардыбыт. Лааҕырбыт салайааччытынан Алексей Филиппов кыhамньылаахтык үлэлээтэ, иитээччилэринэн Клим Петров, Нарыйаана Федорова, Мотрена Федорова бары сыраларын ууран туран үлэлээтилэр. Баһаатайынан мин уонна Сунтаадааҕы 3 №-дээх оскуола үөрэнээччитэ Карина Павлова, Элгээйи оскуолатын үөрэнээччитэ Далаана Попова, Сунтаар 1-кы №-дээх оскуола үөрэнээччитэ Айнар Аммосов буолан көхтөөх айымньылаах үлэ таҕыста. 43-с сменабыт аата «Планета спорта». Оҕолору 3 этэрээккэ араартаан илдьэ сырыттыбыт. Мин этэрээппэр «Атлет» диэн 12 иитиллээччилээх этим.
Лааҕырбытын сөбүлээммит эhиил эмиэ кэлэргэ оҕолор бары сүбэлэстибит, доҕоттор бары Сунтаарга аны сайын көрсүөх буолан тарҕастыбыт. Умнуллубат түгэннэри бэлэхтээбит лааҕырбытыгар, бары үлэhиттэригэр, бииргэ баһаатайдаабыт оҕолорбор, төрөппүттэргэ барҕа махтал! «Сир уустара» лааҕыр маннык кыаҕы, сөптөөх усулуобуйаны, эйгэни тэрийэрэ элбэх оскуола оҕотугар туһалаах дии саныыбын. Оҕо сайдар уонна бэйэҕин баһаатайынан холонон көрөргөр көмөлөһөр, үлэҕэ бэлэмниир, үөрэтэр.
Саян КОКАРЕВ ,
Сунтаар 1 №-дээх оскуолатын 9 «б» кылааhын үөрэнээччитэ