Бүгүн, муус устар 9 күнүгэр, Сунтаардааҕы коррекционнай оскуолаҕа «В наших силах — воспитать патриотов» диэн улуустааҕы семинар-практикум буолан ааста.
Бу семинар сүрүн сыала соруга эр дьон педагог оруолун уонна статуһун, профессиональнай маастарыстыбаны үрдэтии уонна уопуттарынан үллэстии буолар.
Тэрээһиҥҥэ уопсайа 60-ча тахса эр дьон педагог кыттыыны ылла.
Семинар саҕаланыытыгар Сунтаардааҕы коррекционнай оскуола дириэктэрэ Анисия Игнатьева уонна Александр Неустроев кыттыылаахтарга дойдуга бэриниилээх дьону итиитин туһунан дакылаат аахтылар.
Ол кэннэ, семинар кыттыылаахтарыгар «Развитие силовой выносливости у юношей», «Военно-патриотическое воспитание», «Творческая мастерская» уонна «Оберег народа Саха — Харысхал» диэн
маастар кылаастар ыытылыннылар.
Салгыы оскуола успуорт саалатыгар эр дьон педагогтар түөртүү киһи буолан хамаандаҕа арахсан уопсайынан 4 көрүҥҥэ күрэхтэстилэр. Ол курдук, гиирэ көтөҕүүгэ, буулдьанан ытыыга, дартска уонна автомат ыһыытыгар.
Маны сэргэ педагогтар «Битва на озере Ильмень» диэн «Мы вместе» радио-телестудия видеосюжетын көрөн сэҥээрдилэр.
Тэрээһин түмүгэр кыттааччылар төгүрүк остуолга мустан санаа атастастылар.
Дмитрий ЫМЫЧАНОВ