И.С. Иванов аатынан Сунтаар 2 №-дээх оскуолатыгар Бүлүү бөлөх улуустарын оскуолаларын дириэктэрдэрин ассоциацияларын бастакы спартакиадата ыытылынна.
Манна Горнай, Бүлүү, Үөһээ Бүлүү, Ньурба, Сунтаар оскуолаларын салайааччылара сэттэ хамаандаҕа арахсан алта успуорт алта көрүҥэр күрэхтэстилэр: волейболга, тенниска, дуобакка, канат тардыһыытыгар уонна дартс быраҕыытыгар.
Спартакиада сылын аайы үгэскэ кубулуйан Бүлүү регионугар успуорт сайдыытыгар уонна сибээһи бөҕөргөтүүгэ бэйэтин кылаатын киллэриэ диэн тэрийээччилэр эрэллээхтэр.
Маны таһынан дириэктэрдэр ассоциациялара аһымал акция олохтоотулар. Ол чэрчитинэн, Сунтаар улууһун хамаандата Евгений Тихонов дьиэ кэргэнигэр 10000 солк. Суумалаах сэртипикээт туттарда. Ити курдук дириэктэрдэр күн киһитэ көмүскэс, айыы киһитэ аһыныгас диэн өбүгэлэрбит эппит ох тылларын ханнык да түгэҥҥэ умнубаттар.
Улуустааҕы үөрэҕирии управлениетын пресс-сулууспата