Арассыыйа Бэрэсидьиэнэ Владимир Путин көҕүлээһининэн, нуучча географическай уопсастыбатын тэрийиитинэн 2015 сылтан географическай дьыктаан буолар. Бу тэрээһини ыытыыга биһиги өрөспүүбүлүкэбит үрдүк көрдөрүүлээҕин бэлиэтииллэр.
Быйылгы географическай дьыктаан биһиги улууспутугар сэтинньи 19 күнүгэр буолбута. Улууска Уһун Күөлгэ, Бордоҥҥо, Кэмпэндээйигэ, Кутанаҕа, Маар Күөлгэ, Тойбохойго, Хадаҥҥа, Элгээйигэ уонна Сунтаар бибилэтиэкэлэригэр былаһааккалар тэриллэннэр уопсайа 112 киһи кыттан, билиилэрин-көрүүлэрин тургутуннулар. Кыттааччылар түмүккүтүн ахсынньы 10 күнүн кэнниттэн бу сыылканан https://dictant.rgo.ru/ киирэн көрүөххүтүн сөп.
Яина Власьева