Бүгүн кулун тутар 26 күнүгэр С.А. Зверев-Кыыл Уолун аатынан улуустааҕы норуот айымньытын киинигэр “Эдэр дьиэ кэргэн-2024″ күрэс буолан ааста. Куоҥкурус дьиэ кэргэн сыаннастарын үрдэтэр, эдэр ыалы өйүүр, дьиэ кэргэн туруктаах буолуутун өрө тутар, чөл олоҕу тутуһары көҕүлүүр сыаллаах-соруктаах. Кыттааччылар бары талба талааннаах, көхтөөх, эдэр дьиэ кэргэттэр түмсэн дьоро күн буолла.

Күрэс түмүгүнэн «Төрүт үгэстээх дьиэ кэргэн» анал ааты ыллылар Татьяна, Айсен Могусовтар. «Эдэр кэскиллээх дьиэ кэргэн» анал аат Александра, Петр Герасимовтар. III үрдэл — Карина, Клим Петровтар. II үрдэл — Лира, Эдуард Герасимовтар.

«Эдэр дьиэ кэргэн -2024» аатын ыллылар Уcтьеттан Ксения, Дмитрий Погодаевтар. Кыайыылаах дьиэ кэргэн 30000 солк. наҕараадаланнылар уонна «Саха өрөспүүбүлүкэтин эдэр дьиэ кэргэнэ-2024” күрэскэ кыттар чиэһи ыллылар. Дьиэ кэргэн бырааһынньыга, өрөгөйдөөх күнэ тосхойбутунан кыайыылаах дьиэ кэргэни эҕэрдэлиибит, инникитин  ситиһиилэри баҕарабыт.

Алена ИВАНОВА

Читайте дальше