Бүлүү бөлөнөҕөр бөскөччү бөкүнүйбүт Барахсаанап Байдам Баһылайабыс биэс балтыттан биирдэстэрэ биэлсэр Биэрэ бээтинсэҕэ Бордоҥҥо биэчэргэ бараары баттаҕар баанчык баанна, бөрүчөскэ бөҕөтө буолла. бортунуой Балааһа бэлэхтээбит байбарылаах баархат былааччыйаланна. Баһаам бачыыҥкатыттан босунуоскатын булбакка баахсалаах бороҥ бачыыҥкатын булунна. Буудараланна. Былаатын бобуонньуктуу баанна, баарыһына бэрдэ буолла. Биэчэргэ баран Бүлүү Бороҕонун быыппастар быччыҥнаах бөҕөһө Борбуев Борис Борисовичтыын билистэ, булсуста. Биэчэр бүтүүтүгэр Бориһа биэлсэр Биэрэтин бодоруускалаан борогуулкалыы бардылар. Бүлүү биэрэгин бэстэрин быыстарынан бэлэсипиэдинэн биэрэстэни бардылар. Былыт бөҕө барыйан барда, бырдах буулаата, боруҥуй буолла. Быһалыы бөһүөлэккэ бөтөрөҥүнэн буут биэрдилэр.
Баскыһыанньаҕа биэскэ балыктыы барарга быһаарыннылар. Бырааттара бостуук Бадьыым бөлөрүүһүнэн барыах буоллулар. Биэлсэр Биэрэ балыыһаҕа барыахтааҕын барбата, балыктаһа барыста. Бараары биэс борооску бадарааҥҥа батыллыбыттарын быыһаатылар. Бэйэлэрэ бүтүннүү бадараан буоллулар, баанньыктаныахтарын баҕардылар. Блесналаан биир биэдэрэ быйыт балык бултуйдулар. Биэрэ балыгыттан бааҥкаҕа балыгымсах бэтэринээр Балбаараҕа бэристэ. Бодоруугата Балбаара баһыыба бөҕөтө буолла, барыанньалаах буулка бэристэ. Балбаара барахсан бөдөҥ балыгы боротомуоҥҥа буһарда , бэртээхэй бүлүүдэ бускуччу буста. Барыларыгар бэристилэр.
Бориһа бэнидиэнньиккэ баахтаҕа борокуотунан барарыгар биэлсэр Биэрэтигэр бирилийээннээх биһилэх бэлэхтээтэ. Быйыл бииргэ буоларга быһаарынан бакааластылар.
Аэлита ТИТОВА,
С.А. Зверев аатынан Түбэй-Дьаархан орто оскуолатын 11-с кылааһын үөрэнээччитэ