Сунтаар улууһугар буойуннар дьиэ кэргэттэрин кэмитиэтин эрэгийиэннээҕи штаба үлэлиир. Бу кэмитиэти Сунтаар улууһун уопсастыбаннай сэбиэтин бэрэссэдээтэлэ Надежда Львова салайар. Тустаах тэрилтэлэртэн, уопсастыбаннай түмсүүлэртэн үлэлииргэ көхтөөх кыттааччылардаах. Ким баҕарар бэйэтин баҕа санаатынан кыттыһыан сөп. Кэмитиэт үлэлиир хайысхата киэҥ, олортон биирдэстэрэ байыаннай дьайыыга кытта сылдьар биир дойдулаахтарбытыгар күүс-көмө, өйөбүл буолуу. Билигин дьыл кэминэн көрөн, олус наадалаах таҥас-сап хомуура саҕаланна. Маны сэргэ, илиминэн хаххалыыр, харыстыыр сиэккэни оҥорору былаанныыллар. Бу манна түмсүүлэр, тэрилтэлэр көхтөөх кыттыыны ылыахтара диэн эрэнэбит.
Сарсыҥҥыттан саамай наадалаах кэтиллэр таҥастары: маайканы, футболканы, чараас спортивнай ыстааны, ис таҥаһы, чараас наскыны (размердара 48 үөһээ), хаххалыыр сиэккэни оҥорорго илими, от күөх өҥнөөх камуфляж матырыйаалы, убаҕас мыыланы, влажнай салфетканы, рюкзагы, фонары (төбөҕө кэтэр, илиигэ тутар) хомуйуу саҕаланар.
Сунтаарбыт улууһун олохтоохторо, бары биир сомоҕо буолан, күүс-көмө, өйөбүл буолуоҕуҥ диэн ыҥырабыт.
Көмөнү тутар сир: Октябрьскай уулусса 100/1 аадырыска — “Корона” фирма офиһыгар бэнидиэнньиктэн бээтинсэҕэ диэри көмөҕүтүн туттарыаххытын сөп, 10.00-17.00ч. тохтобул 13.00-14.00ч. Билсэр нүөмэргит Надежда Львова — 89142574333, Жанна Макарова — 89142708487.
Алена ИВАНОВА