Бүгүн, сэтинньи 1 күнүгэр, Сунтаар нэһилиэгин олохтоох дьаһалтата тэрийиитинэн, улахан субуотунньук буолла. Манна «Сунтар» МАУ уонна Сунтаардааҕы 1N-дээх баһаарынай чаас үлэһиттэрэ элбэх кыбартыыралаах эргэ дьиэ маһын эрбэтэн оттук мас бэлэмнээтилэр. Баһаарынай сулууспаттан 15 киһи кытта үлэлээтэ диэн туһааннаах тэрилтэ үлэһитэ Ольга Иванова-Алексеева иһитиннэрдэ. Баһаарынай сулууспа байыастарын бу үлэҕэ начальнигы солбуйааччы Семен Стручков иилээтэ-саҕалаата.
Бэлэмнэммит мас анал байыаннай дьайыыга сылдьар биир дойдулаахтарбыт дьиэ кэргэттэригэр бэриллэр.
Яина ВЛАСЬЕВА