Улууспут баһылыга Анатолий Григорьев анал байыаннай дьайыыга сылдьар биир дойдулаахтарбытыгар, кинилэр дьиэ кэргэннэригэр сүрүн болҕомтобутун ууруохтаахпыт диэн мэлдьи этэр. Кинилэргэ көмө, сүбэ улуус дьаһалтатын өттүттэн элбэхтик барар. Уолаттарбыт дойдуларыгар кылгас кэмҥэ уоппускаҕа кэлэн, чугас дьоннорун кытары сынньанан сылааларын таһааралларыгар кыһамньы баар.
СВО-ҕа сылдьар Семен эмиэ уоппускатыгар кэлэ сылдьар. Кинини улуус дьаһалтатын аатыттан Ыччат отделын салайааччыта Трофим Иванов көрсөн, улуус аатыттан бэлэх, баһылык Махтал суругун туттарда.
Манна даҕатан эттэххэ, Семен анал байыаннай дьайыыга сылдьан «Хорсунун иһин» уордьаны бастакы ылбыттартан биирдэстэрэ.
Хорсун биир дойдулаахпытыгар этэҥҥэ буолууну баҕарабыт.
Яина ВЛАСЬЕВА