Өрөспүүбүлүкэтээҕи психологическай киин Сунтаардааҕы филиала анал байыаннай дьайыыга сылдьар уолаттар ийэлэригэр анаан айар-тутар хайысхаллаах күрүчүөгүнэн баайыыга маастар-кылааһы тэрийдэ. Этиибитигэр тутатына сөбүлэһэн, “Чебурашка” оҕо сайдар киинин иитээччитэ Надежда Павлова кэлэн маастар-кылааһы ыытта. Надежда Семеновна билигин оҕотун көрөн олорор кэмэ. Бу маннык ис сүрэхтэн кэлэн дьон бэйэтин билиитин, сатабылын тарҕаталлара хайҕабыллаах.
Психологическай кииҥҥэ араас дьарык, тренин, лекциялар, бөлөҕүнэн үлэ ситимнээхтик ыытыллаллар. Холобур, бөлөҕүнэн үлэ үчүгэйэ диэн биир кыһалҕалаах дьону кытта кэпсэтэн, санаа үллэстэн, киһи соҕотохпун дии санаммакка, аралдьыйан, сүргэлэрэ көтөҕүллэн барар. Уопсайынан, айар-тутар, илиинэн үлэ бэйэтэ киһи туругун уоскутар, сааһылыыр. Киһи күүс-уох да ылан, кыһалҕаны этэҥҥэ туорууругар көмөлөһөр. Ону таһынан психологическай кииҥҥэ индивидуальнай консультациялар эмиэ бараллар. Ыытар дьарыктарбытыгар Сунтаар олохтоохторо көхтөөхтүк кэлэн кыттыыны ыларгытыгар ыҥырабыт. Уйулҕабытыгар болҕомто ууран бириэмэтигэр кыһаллыахха. Психологическай кииҥҥэ билсэр нүөмэргит: 22-1-27 эбэтэр Дормидонт Данилова аатынан переулок 3-с дьиэтигэр 17 хоско.
Татьяна АНТИПИНА,
Өрөспүүбүлүкэтээҕи психологическай киин
Сунтаардааҕы филиалын психолога.